{"id":1479,"date":"2017-03-31T12:14:54","date_gmt":"2017-03-31T12:14:54","guid":{"rendered":"http:\/\/muhamedsytari.net\/?p=1479"},"modified":"2017-03-31T12:14:54","modified_gmt":"2017-03-31T12:14:54","slug":"secili-te-rregulloje-veten-te-lutet-per-mireqenien-dhe-te-mos-behet-pale-me-te-keqen","status":"publish","type":"post","link":"http:\/\/muhamedsytari.net\/?p=1479","title":{"rendered":"Secili t\u00eb rregulloj\u00eb veten, t\u00eb lutet p\u00ebr mir\u00ebqenien dhe t\u00eb mos b\u00ebhet pal\u00eb me t\u00eb keqen!"},"content":{"rendered":"

T\u00eb gjitha fal\u00ebnderimet m\u00eb t\u00eb plota dhe p\u00ebrulja absolute, i takojn\u00eb Zotit t\u00eb vet\u00ebm t\u00eb tan\u00ebsis\u00eb, All-llahut t\u00eb Madh\u00ebruar, i Cili na krijoi NJER\u00cbZ, na udh\u00ebzoi n\u00eb Islam dhe na b\u00ebri pjes\u00eb t\u00eb ymmetit t\u00eb Hz. Muhammedit (a.s). Prandaj 1000 her\u00eb: Elhamdulilah!<\/p>\n

N\u00eb Kur\u2019anin Fam\u00eblart\u00eb, n\u00eb suren Fatir, Zoti i gjith\u00ebsis\u00eb tregon p\u00ebr shembullin e ymmetit islam, ku thot\u00eb: \u201cNe u lam\u00eb n\u00eb trash\u00ebgim librin rob\u00ebrve Tan\u00eb q\u00eb Ne i kemi zgjedhur; e prej tyre ka q\u00eb jan\u00eb d\u00ebmtues t\u00eb vetvetes, ka q\u00eb jan\u00eb mesatar\u00eb, e ka prej tyre q\u00eb jan\u00eb me ndihm\u00ebn e All-llahut, t\u00eb par\u00ebt n\u00eb pun\u00eb t\u00eb mira, e kjo \u00ebsht\u00eb ajo mir\u00ebsia e madhe.\u201d[1]<\/a><\/p>\n

Salavatet dhe selamet m\u00eb t\u00eb p\u00ebrzem\u00ebrta ia d\u00ebrgojm\u00eb sot, n\u00eb k\u00ebt\u00eb dit\u00eb dhe n\u00eb \u00e7do frym\u00eb t\u00eb jet\u00ebs son\u00eb, Ma t\u00eb Dashtunit e Ma t\u00eb Mirit, Vul\u00ebs s\u00eb t\u00eb D\u00ebrguarve t\u00eb All-llahut, Hz. Muhammedit (a.s), i Cili, kur e lexoi k\u00ebt\u00eb ajet, iu drejtua sahab\u00ebve duke th\u00ebn\u00eb: \u201cT\u00eb gjith\u00eb jan\u00eb pjes\u00eb e k\u00ebtij ymmeti!\u201d[2]<\/a>. Pra, n\u00eb ymmetin islam do t\u00eb jen\u00eb krejt k\u00ebta kategori njer\u00ebzish.<\/p>\n

\n

T\u00eb dashur e t\u00eb shtrenjt\u00eb,<\/strong><\/p>\n

Sapo kemi hyr\u00eb n\u00eb atmosfer\u00ebn e begat\u00eb t\u00eb Tre Muajve t\u00eb Mir\u00eb; Rexheb, Shaban dhe Ramazan. Sot, \u00ebsht\u00eb e xhumaja e par\u00eb e Muajit Rexheb. Kjo mir\u00ebsi, q\u00eb kthehet s\u00ebrish n\u00eb mesin ton\u00eb, \u00ebsht\u00eb nj\u00eb ftes\u00eb e hapur hyjnore nga Zoti i gjith\u00ebsis\u00eb, i Cili na fton drejt rregullimit t\u00eb marr\u00ebdh\u00ebnieve tona me besimin dhe fen\u00eb, me moralin dhe udh\u00ebzimin islam, p\u00ebr t\u2019u d\u00ebshmuar musliman\u00eb hak, jo tekanjoz\u00eb, q\u00eb sa her\u00eb u nevojitet feja, b\u00ebhen fetar\u00eb dhe sa her\u00eb u \u201cprish pun\u00eb\u201d etiketa islame, nuk e kan\u00eb p\u00ebr gj\u00eb ta kthejn\u00eb pllak\u00ebn!<\/p>\n

N\u00eb ajetin e lartp\u00ebrmendur, All-llahu i Madh\u00ebruar p\u00ebrmend tre kategori njer\u00ebzish, t\u00eb cil\u00ebt jan\u00eb pjes\u00eb e k\u00ebtij ymmeti t\u00eb begat\u00eb islam: d\u00ebmtues i vetvetes (dhalimun linefsihi), mesatar (muktesid) dhe ata q\u00eb me mbar\u00ebsin\u00eb e All-llahut, jan\u00eb t\u00eb par\u00ebt n\u00eb pun\u00eb t\u00eb mira (sabikun bil-khajrat).<\/p>\n

N\u00eb Islam nuk ka mashtrim! Muslimani nuk g\u00ebnjen, muslimani nuk vjedh, muslimani nuk \u00ebsht\u00eb njeri i korruptuar, muslimani nuk merr jet\u00ebn e tjetrit, muslimani nuk terrorizon, muslimani nuk hedh balt\u00eb mbi t\u00eb tjer\u00ebt, muslimani nuk ia b\u00ebn grop\u00ebn v\u00ebllas\u00eb s\u00eb tij musliman, muslimani nuk \u00ebsht\u00eb pijetar, muslimani nuk \u00ebsht\u00eb imoral!<\/p>\n

N\u00eb Islam, ne jemi t\u00eb ftuar t\u00eb afrohemi me Zotin ton\u00eb, n\u00eb rrug\u00ebtimet e p\u00ebrsosm\u00ebris\u00eb individuale dhe asaj shoq\u00ebrore. K\u00ebsisoj, muslimani \u00ebsht\u00eb i past\u00ebr, muslimani pendohet nga gjynahu q\u00eb b\u00ebn p\u00ebr t\u00eb mos iu kthyer m\u00eb atij, muslimani lart\u00ebsohet n\u00ebp\u00ebrmjet namazit, dhikreve, leximit t\u00eb Kur\u2019anit, namazit t\u00eb nat\u00ebs, tehexhudit, agj\u00ebrimit, umres\u00eb, haxhit, dh\u00ebnies s\u00eb zekatit, sadekave, ndihm\u00ebs ndaj t\u00eb vob\u00ebkt\u00ebve. Muslimani \u00ebsht\u00eb simbol i paqes sociale dhe i krejt element\u00ebve t\u00eb s\u00eb mir\u00ebs n\u00eb jet\u00eb!<\/p>\n

E kund\u00ebrta, nuk ka lidhje me fen\u00eb dhe me besimin ton\u00eb! Ajo q\u00eb p\u00ebrhapet sot, n\u00ebp\u00ebrmjet propagandave t\u00eb s\u00eb keqes n\u00eb mbar\u00eb bot\u00ebn, kund\u00ebr nesh, kund\u00ebr Resulull-llahut (a.s), kund\u00ebr Kur\u2019anit, kund\u00ebr Islamit, nuk \u00ebsht\u00eb asgj\u00eb tjet\u00ebr, vet\u00ebm se nj\u00eb periudh\u00eb d\u00ebshp\u00ebrimi n\u00eb zemrat e atyre q\u00eb e kan\u00eb kuptuar se Islami \u00ebsht\u00eb feja e k\u00ebtij shekull dhe, se mbar\u00eb bota po nd\u00ebrgjegj\u00ebsohen dhe po zgjohen nga gjum\u00ebrat e idhujtarive, padituris\u00eb, mashtrimeve t\u00eb m\u00ebdha dhe korrupsionit me zemr\u00ebn dhe intelektin bot\u00ebror!<\/p>\n

\n

T\u00eb dashur besimtar\u00eb,<\/strong><\/p>\n

Koha \u00ebsht\u00eb q\u00eb ta shfryt\u00ebzojm\u00eb k\u00ebt\u00eb periudh\u00eb tremujore, duke b\u00ebr\u00eb nj\u00eb kontroll t\u00eb im\u00ebt ndaj vetes; mendimeve, sjelljeve, veprave, m\u00ebnyr\u00ebs s\u00eb komunikimit n\u00eb familje, me prind\u00ebt, me f\u00ebmij\u00ebt, me t\u00eb af\u00ebrmit, me shoq\u00ebrin\u00eb, me v\u00ebllaz\u00ebrin\u00eb e xhamis\u00eb, me bashk\u00ebqytetar\u00ebt. Koha \u00ebsht\u00eb q\u00eb gjith\u00ebsecili prej nesh t\u00eb deklaroj\u00eb pendimin e tij para duarve t\u00eb All-llahut, duke k\u00ebrkuar falje n\u00eb sexhde, nat\u00ebn, teksa njer\u00ebzit flen\u00eb. Duke trokitur dyert e m\u00ebshir\u00ebs, faljes, udh\u00ebzimit, rizkut, bujaris\u00eb, but\u00ebsis\u00eb, dijes, urtis\u00eb, aty n\u00eb sexhde, para duarve t\u00eb All-llahut, q\u00eb nuk ka nevoj\u00eb as p\u00ebr faljen ton\u00eb, as p\u00ebr adhurimet e krejt universit!<\/p>\n

\n

V\u00ebllez\u00ebr dhe motra, <\/strong><\/p>\n

Ju e shihni sesi vendi yn\u00eb, po rr\u00ebshqet dit\u00eb pas dite drejt greminave t\u00eb pasiguris\u00eb, t\u00eb varf\u00ebris\u00eb e skamjes, krizave politike e korrupsionit, hashashit e drog\u00ebs, islamofobis\u00eb dhe nj\u00eb anarshie t\u00eb frikshme, para t\u00eb cilave, e kemi p\u00ebr detyr\u00eb t\u00eb mos heshtim dhe t\u00eb marrim p\u00ebrgjegj\u00ebsit\u00eb tona si qytetar\u00eb t\u00eb k\u00ebtij vendi!<\/p>\n

Secili t\u00eb rregulloj\u00eb veten, t\u00eb lutet p\u00ebr mir\u00ebqenien dhe t\u00eb mos b\u00ebhet pal\u00eb me t\u00eb keqen! Sepse, kushdo q\u00eb mb\u00ebshtet t\u00eb keqen, do t\u00eb jap\u00eb llogari para duarve t\u00eb Krijuesit n\u00eb dit\u00ebn e gjykimit!<\/p>\n

Shihni qytetin tuaj! Shkodra nuk \u00ebsht\u00eb kjo! Na e kan\u00eb kthyer qytetin n\u00eb aren\u00eb vulgu, q\u00eb g\u00eblon gjithandej n\u00eb rrjete sociale, n\u00eb media, n\u00eb institucione, p\u00ebr shkak t\u00eb politikave tjet\u00ebrsuese t\u00eb shpirtit shekullor t\u00eb qytetaris\u00eb shkodrane, t\u00eb harmonis\u00eb komunitare, t\u00eb bashk\u00ebjetes\u00ebs n\u00eb mesin e qytetar\u00ebve me fe t\u00eb ndryshme, n\u00eb mesin e tregtar\u00ebve, n\u00eb sport, n\u00eb kultur\u00eb, gjithandej!<\/p>\n

Prandaj, t\u00eb kthehemi nga Zoti, t\u00eb kthehemi nga feja e jon\u00eb, t\u00eb rregullojm\u00eb at\u00eb q\u00eb \u00ebsht\u00eb prishur dhe t\u00eb mos tolerojm\u00eb, p\u00ebr asnj\u00eb arsye, tjet\u00ebrsimin, sepse politikat e tjet\u00ebrsimit, po b\u00ebjn\u00eb me f\u00ebmij\u00ebt tan\u00eb dhe edukimin e tyre, at\u00eb q\u00eb b\u00ebnin dikur komunist\u00ebt me ata breza, q\u00eb sot konsiderohen si \u201cbrezni e djegur\u201d!<\/p>\n

F\u00ebmij\u00ebt tan\u00eb jan\u00eb brezat e ardh\u00ebm t\u00eb Islamit, t\u00eb shekullit t\u00eb Islamit, t\u00eb past\u00ebrtis\u00eb s\u00eb Islamit, t\u00eb Shqip\u00ebris\u00eb s\u00eb Islamit, t\u00eb bashk\u00ebjetes\u00ebs s\u00eb pashembullt t\u00eb drejt\u00ebsis\u00eb, paqes dhe vlerave t\u00eb Islamit! P\u00ebr k\u00ebt\u00eb t\u00eb punojm\u00eb dhe p\u00ebr k\u00ebt\u00eb t\u00eb shfryt\u00ebzojm\u00eb k\u00ebt\u00eb periudh\u00eb t\u00eb madhnueshme, q\u00eb sapo ka trokitur n\u00eb dyert tona, si nj\u00eb mund\u00ebsi q\u00eb nuk duhet neglizhuar!<\/p>\n

All-llahu ju dasht\u00eb e ju begatoft\u00eb me mir\u00ebsit\u00eb e Tij!<\/p>\n

Imam Muhamed B. Sytari<\/strong><\/p>\n

Myfti i Zon\u00ebs Shkod\u00ebr<\/em><\/p>\n

\u00a0<\/em>(Hytbeja e mbajtur, m\u00eb 31 mars 2017, n\u00eb xhamin\u00eb e Parruc\u00ebs)<\/em><\/p>\n

\n

[1]<\/a> Kur\u2019ani, Fatir: 32.<\/p>\n

[2]<\/a> Sipas transmetimit t\u00eb sahabiut Usama ibn Zejd (r.a).<\/p>\n