{"id":2996,"date":"2021-05-04T23:50:10","date_gmt":"2021-05-04T23:50:10","guid":{"rendered":"http:\/\/muhamedsytari.net\/?p=2996"},"modified":"2021-05-05T06:55:29","modified_gmt":"2021-05-05T06:55:29","slug":"rreth-barazise-ne-islam","status":"publish","type":"post","link":"https:\/\/muhamedsytari.net\/?p=2996","title":{"rendered":"Rreth barazis\u00eb n\u00eb Islam…"},"content":{"rendered":"

Nj\u00eb bashk\u00ebbisedim i hapur n\u00eb thelb t\u00eb tem\u00ebs s\u00eb barazis\u00eb n\u00eb Islam, pasditen e s\u00eb mart\u00ebs, m\u00eb 4 maj 2021, me t\u00eb nderuarin Armand Bora, n\u00eb RTV ORA, n\u00eb ciklin e Muajit t\u00eb begat\u00eb t\u00eb Ramazanit: “Kjo \u00ebsht\u00eb ora”.<\/p>\n

Ajetet kuranore, hadithet dhe praktika e sahab\u00ebve, mbeten pika referimi dhe reflektimi m\u00eb i mir\u00eb i faktit se Islami erdhi edhe p\u00ebr t\u00eb vendosur bazat e barazis\u00eb n\u00eb mesin e njer\u00ebzve, shoq\u00ebruar me nxitjen e garimit p\u00ebr t\u00eb mir\u00eb e nd\u00ebrtim, mb\u00ebshtetur tek aft\u00ebsit\u00eb, meritat dhe p\u00ebrkushtimi n\u00eb jet\u00eb, jo tek pozitat shoq\u00ebrore, pasuria a trash\u00ebgimia e emrit t\u00eb familjes.<\/p>\n

Fakti q\u00eb Zoti i bot\u00ebve na drejtohet n\u00eb shum\u00eb vende n\u00eb Kuran: “O ju njer\u00ebz..!”, na d\u00ebshmon se t\u00eb gjith\u00eb jemi t\u00eb barabart\u00eb p\u00ebrpara Tij, nd\u00ebrsa me fjalin\u00eb e shenjt\u00eb: “M\u00eb fisniku prej jush tek Allahu \u00ebsht\u00eb m\u00eb i p\u00ebrkushtuari nd\u00ebr ju!”, na m\u00ebson se rruga drejt bekimeve dhe pranimit tek Madhnia e Tij kalon n\u00ebp\u00ebrmjet korrekt\u00ebsis\u00eb son\u00eb n\u00eb jet\u00eb me at\u00eb q\u00eb Ai na ka udh\u00ebzuar, jo sukseseve t\u00eb p\u00ebrkohshme a arritjeve tona materiale larg udh\u00ebzimit t\u00eb Tij!<\/p>\n

Fjal\u00ebt me t\u00eb cilat Resulullahu (a.s) iu drejtua t\u00eb bij\u00ebs s\u00eb shtrenjt\u00eb Fatime dhe axh\u00ebs s\u00eb dashur Abasit, kur i tha secilit prej tyre q\u00eb ta ken\u00eb frik\u00eb Allahun dhe t\u00eb mos vijn\u00eb n\u00eb dit\u00ebn e gjykimit me emrin e Resulullahut, nd\u00ebrkoh\u00eb q\u00eb njer\u00ebzit do t\u00eb vijn\u00eb me veprat e tyre, \u00ebsht\u00eb d\u00ebshmia m\u00eb e madhe e barazis\u00eb dhe objektivitetit n\u00eb trajtimin e njer\u00ebzve n\u00eb peshoren islame.<\/p>\n

Nd\u00ebrkoh\u00eb, shembulli i Hz. Omerit (r.a), q\u00eb mori hakun e t\u00eb krishterit kopt nga i biri i guvernatorit t\u00eb Misirit, por edhe nga vet\u00eb guvernatori, sahabiu Amr ibnul-As (r.a), \u00ebsht\u00eb d\u00ebshmi e pashembullt historike, jo vetmitare, e origjinalitetit t\u00eb k\u00ebsaj feje t\u00eb past\u00ebr islame dhe m\u00ebsimeve t\u00eb saj universale n\u00eb k\u00ebt\u00eb kontekst!<\/p>\n

Referuar kodit civil dhe atij penal, sipas shkoll\u00ebs son\u00eb hanefite, pozitat e barabarta p\u00ebrball\u00eb ligjit, t\u00eb musliman\u00ebve dhe dhimit\u00ebve (t\u00eb krishter\u00eb e hebrenj) n\u00eb shoq\u00ebrin\u00eb islame, mbeten nj\u00eb d\u00ebshmi universale e madh\u00ebshtis\u00eb s\u00eb k\u00ebsaj feje, n\u00eb t\u00eb cil\u00ebn \u00e7dokujt i garantohet jeta, feja, mendimi, nderi dhe pasuria!<\/p>\n

Pata k\u00ebnaq\u00ebsi t\u00eb madhe t\u00eb d\u00ebgjoj, t\u00eb ftuar n\u00eb studio n\u00eb lidhje me skype, mikun dhe v\u00ebllain e shtrenjt\u00eb, Basri Kurtis, q\u00eb e zbukuroi k\u00ebt\u00eb bashk\u00ebbisedim me nd\u00ebrhyrjen e tij nga Kopenhaga.<\/p>\n

Marr\u00ebdh\u00ebniet e shtetit danez me lirit\u00eb fetare, historiku i organizimit t\u00eb musliman\u00ebve shqiptar\u00eb atje, aktiviteti n\u00eb vazhdim\u00ebsi, p\u00ebrkujdesja q\u00eb m\u00ebsimet dhe takimet t\u00eb jen\u00eb n\u00eb gjuh\u00ebn ton\u00eb shqipe, si dhe shembulli i mrekulluesh\u00ebm i bashk\u00ebpunimit me bashk\u00ebsit\u00eb dhe komunitetet e tjera fetare, n\u00eb sh\u00ebrbim t\u00eb paqes sociale dhe vlerave qytet\u00ebruese, ishin disa prej rrezatimeve n\u00eb komunikimin e \u00ebmb\u00ebl t\u00eb imamit ton\u00eb t\u00eb dashur n\u00eb Danimark\u00eb.<\/p>\n

Kufiri i nj\u00eb ore, ishte i pamjaftuesh\u00ebm p\u00ebr t\u00eb shpjeguar logjikisht dhe fetarisht, mbi t\u00eb gjitha mjaftuesh\u00ebm se, p\u00ebrpjekja p\u00ebr t\u00eb barazuar t\u00eb ndryshmit n\u00eb origjin\u00ebn e krijimit, \u00ebsht\u00eb prishje e ekuilibrit n\u00eb natyr\u00eb, si dhe d\u00ebshmi e moskuptimit t\u00eb faktit se Zoti na krijoi nga nj\u00eb mashkull dhe nj\u00eb fem\u00ebr, t\u00eb cil\u00ebt i ve\u00e7oi me cil\u00ebsi dhe tipare t\u00eb ndryshme, p\u00ebrtej kufirit t\u00eb barazis\u00eb, por edhe se, nuk \u00ebsht\u00eb respektuar e vler\u00ebsuar pozita e femr\u00ebs n\u00eb t\u00eb gjitha fazat e jet\u00ebs s\u00eb saj, si n\u00eb Islam.<\/p>\n

\u00cbsht\u00eb i jasht\u00ebzakonsh\u00ebm q\u00ebndrimi i Resulullahut (a.s) me mbes\u00ebn e vog\u00ebl n\u00eb xhami, shpejtimi i kryerjes s\u00eb namazit p\u00ebr t\u00eb mos trazuar n\u00ebn\u00ebn e foshnjes q\u00eb qante, si dhe marr\u00ebdh\u00ebnia e tij bashk\u00ebshortore, q\u00eb duhen lexuar n\u00eb nj\u00eb k\u00ebndv\u00ebshtrim, q\u00eb e tejkalon at\u00eb t\u00eb barazis\u00eb s\u00eb pakuptimt\u00eb gjinore.<\/p>\n

Imam Muhamed Bardhyl Sytari
\n<\/strong>Shkod\u00ebr, 5 maj 2021<\/em><\/p>\n