Libri “Kujtime nga Haxhi – (rrugëtimi i vitit 2018)”, i të nderuarit Haxhi Qemal Rushiti, është pa dyshim një kontribut i vyer në dëshmimin e emocioneve të një udhëtimi të papërshkrueshëm, kujtimeve të së cilit, sa herë i qasemi na mbushin me dritë malli dhe mirësi bekimesh të pashembullta!
Duhet falënderuar autori për këtë kontribut të vyer, që zë një vend të veçantë në literaturën islame në gjuhën shqipe, për shkak të gjurmëve që lë në memorien njerëzore udhëtimi i mrekullueshëm i Haxhit!
Autori ka përzgjedhur një stil të veçantë në regjistrimin e kujtimeve të tij, duke ndërthurrur shënimet personale me fotografitë e shoqëruara me diçiturat e natyrshme dhe të ndjera…
Libri është i mbushur me stacione kujtimesh, emra të shumtë peraonazhesh të nderuar, që e zbukurojnë atë me praninë e tyre të natyrshme, si dhe fotografitë e bukura e krejt spontane, që veç se e pasurojnë këtë shprehje të mrekullueshme të ndjesive të Haxhit dhe vizitës së Pejgamberit (a.s).
Janë stacione malli e besimi, që jemi të ftuar t’i lexojmë, për të ndjerë sinqeritetin e autorit, që i thotë gjërat ashtu siç i ndjen, ashtu siç i dëshmon, ashtu siç i prek, në një çaat mrekullie në jetën e tij!
Imam Muhamed Bardhyl Sytari
(Nga fjala e mbajtur në promovimin e librit: “Kujtime nga Haxhi – (rrugëtimi i vitit 2018)”, i të nderuarit Haxhi Qemal Rushiti, ditën e xhuma, më 12 mars 2021, në xhaminë e Orashës, Maqedonia e Veriut)
